لو عندك اي استفسار - د.رشا في الانتظار

حبيبتي شوق: ماشاء الله على العرض المفصل بجد وصفتي كل الامور
ولا اجدعها دكتورة ربنا يباركلك يارب
شوفي يا قمر الخطوات كلها كده مية مية وان شاء الله ربنا ييسر
والتيست يطلع ايجابي الشهر ده
اما بخصوص تعب زوجك يوم الاتنين فهو اصلا المفروض ان الجماع يحصل يوم ويوم مش كل يوم علشان تركيزه وربنا يسهل وبكرة الثلاثاء يكون
كويس وطبعا هنكمل على معدل يوم ويوم لغاية السبت الجاي ان شاء الله
وربنا ميجيبش اي صدمات واب خدمة يا قمر

طمنتيني دكتورة
انا من حقدي وزعلي علي زوجي ماحطيت له ياكل ولا اهتميت فيه هههههههه
بس خلاص بروح اغذيه كويس واهتم فيه عشان نلحق بكرة

وبسألك مو البيويضة تعيش يوم واحد طيب انا لقيتها انفجرت يوم الاثنين ليه استمر بالجماع ليوم السبت؟؟؟؟ مو عالثلاثاء تكون خلاص ماتت البويضة لو ماتلقحت<<<<<<<<<<<< مجرد سؤال بزيد حصيلتي المعرفية واستفيد من بحرك الواسع ياعسل

وسؤال كمان الله يعينك علي غلبتي
اختي اصيبت بالدرن ومطلوب من جميع المخالطين لها الكشف وعمل اشعة صدر وعمل اختبار باليد
ممكن اعمل الاختبار الان وهل فيه خطر لو طلعت حامل وعملت التحليل والاشعة لان امي طلعت حاملة للمرض واعطوها حبوب تاخذها كل يوم حبة وانا خايفة اطلع حامل ويضرني

يسلمو حبيبتي رشا على ردك علي
وأنا عندي موعد دكتورة الأسبوع الجاي
ورح شوف شو بصير وخبرك إن شاء الله

tvhs123 كتب:: طمنتيني دكتورة
انا من حقدي وزعلي علي زوجي ماحطيت له ياكل ولا اهتميت فيه هههههههه
بس خلاص بروح اغذيه كويس واهتم فيه عشان نلحق بكرة
حبيبتي شوق : كده طلعتي شريرة يابنتي حرام عليكي الراجل تعبان وانتي قطعتي عنه الكهرباء والميه
ههههههه ضحكتيني والله ربنا يحفظكم لبعض

وبسألك مو البيويضة تعيش يوم واحد طيب انا لقيتها انفجرت يوم الاثنين ليه استمر بالجماع ليوم السبت؟؟؟؟ مو عالثلاثاء تكون خلاص ماتت البويضة لو ماتلقحت<<<<<<<<<<<< مجرد سؤال بزيد حصيلتي المعرفية واستفيد من بحرك الواسع ياعسل
مضبوط يا قمر بس مع التنشيط انا بفضل انه الجماع يستمر يوم ويوم لمدة اسبوع
تحسبا لحدوث نضوج لبويضات اخرى نتيجة المنشط
وده وارد جدا بدليل ارتفاع نسبة حمل التوائم مع المنشطات
ماشي يا جميل ؟؟

وسؤال كمان الله يعينك علي غلبتي
اختي اصيبت بالدرن ومطلوب من جميع المخالطين لها الكشف وعمل اشعة صدر وعمل اختبار باليد
ممكن اعمل الاختبار الان وهل فيه خطر لو طلعت حامل وعملت التحليل والاشعة لان امي طلعت حاملة للمرض واعطوها حبوب تاخذها كل يوم حبة وانا خايفة اطلع حامل ويضرني
لا حبيبتي لازم تعملي التحليل وربنا يسلم ان شاء الله بس طبعا الاشعة لأ
ومتقلقيش حتى لو طلعتي حاملة للمرض تاخدي العلاج عادي بس نبهي الطبيب انه
احتمال يكون فيه حمل (آمين يارب ) وهوا ان شاء الله هيكتبلك العلاج المناسب
وعلشان تكوني مطمئنة ادويه علاج الدرن كلها مفيش منها قلق على الجنين حتى في الشهور
الاولى للحمل الا نوع واحد وهوا اسمه العملي
streptomycin
ده بس اللي غلط على الحمل علشان بيأثر على العصب السمعي والاسنان بالنسبة للجنين
فبمجرد تنبيهك للطبيب باحتمالية الحمل علطول هيستبعد الدواء ده
ودي حاجة معروفة لكل الاطباء خلاص يا باشا يارب تكوني اتطمنتي وربنا يسلم
وان شاء الله التيست يفرحنا تيست الحمل طبعا ..
واي خدمة يا قمر

حبيبتي ملاك: العفو يا جميل وربنا يطمنا عليكي
ويكملك حملك على خير يارب
في انتظار نتيجة كشف الدكتورة واي خدمة يا قمر

د . رشا ..... معنديش اسئلة بس حبيت اطمئن عليكى يا قمر ...عاملة ايه دلوقتى ... وحشانى

جدا .

شوق ..... انتى فين الكل فى حواء بيسأل عليكى ومفتقدينك جدا ... انتى زعلانة مننا ولا ايه ليه

مبتدخليش هناك ..... انا متابعة اخبارك هنا الله يكتب لك الحمل الشهر دة .

حبيبتي ليديا ازيك انتي ياقمر
ميرسي خالص عالسؤال ووالله انتي كمان واحشاني خالص
انا الحمد لله احسن شوية بس والله بابا واحشني اوي
الله يرحمه ويغفر له
انتي عاملة ايه وازي العسلات التلاته
اديهم بوسة كبيرة من طنط رشا
وباباهم فك الجبس؟؟ ربنا يتم شفاؤه على خير
مرة تانيه الف شكر على السؤال
وبأسئلة او بدون اسئلة انتي تنورينا يا جميل
واي خدمة يا قمر

د.رشا كتب:: حبيبتي دمدوم: الالم ممكن يكون فعلا سببه الالتصاقات
بس انا حابة اوصف الم الالتصاق عشان متتلخبطيش بينه وبين انواع الالم التانيه
هو بتحسي انه فيه شئ بيشد الرحم
او انه حاجه بتشد على الاربطه الداخلية قريبه شوية من الشد العضلي اللي بيحصل في الرجل بعد الارهاق
وممكن يزيد الالم ايام الدورة بسبب احتقان الرحم في الايام دي ...
كمان حابة اقولك ان القولون العصبي احد اهم اسباب الالم والانتفاخ وعسر الهضم والاحساس بعدم الراحه
وده علاجه تناول اقراص منظمة لحركة الامعاء والابتعاد عن المهيجات سواء النفسية او الاطعمه المهيجة للقولون..
نيجي بقى لانقلاب الرحم ده بيكون نتيجة ضعف الاربطه المحيطه بالرحم وده يخلي الرحم يتحرك في موقع تاني غير مكانه
الاصلي وبالتالي بيضغط على الاوعية الدمويه الخاصة بالرحم مما يؤدي للاحتقان والالم واحيانا تاخير الحمل
بس اللي عاوزة اقوله ليكي انه غالبا بتكون البنت مولوده بضعف الاربطة دي يعني مش القيصريه اللي هتعمل كده
ده بالعكس التصاقات القيصرية ممكن تصلح موضوع الانقلاب ده ...
اما الدكتور اللي بيقول انه الحمل الجديد هوا اللي هيزيل الالتصاقات فهو قصده انه اثناء الولاده
بنعمل حاجه اسمها تسليك وفصل للالتصاقات دي وبالتالي هيروح الالم بتاعها لكن طبعا الام بتكون عرضه لتكون التصاقات جديده
في نهايه الموضوع حابة اقولك انه حدوث الالتصاقات بيختلف من واحده للتانيه
يعني فيه جسم عنده قابلية تكون الالتصاق اكتر من جسم تاني وكتير شفنا واحده عاملة سكشن واحد وعندها التصاقات كتير
وفي الوقت نفسه واحده عاملة تلات او اربع سكاشن ومفيش فيها اي التصاقات
حبيبتي لو الالم زايد جدا ومش محتمل حتى بعد الولاده التانية المنظار ممكن يحل المشكلة دي ..وربنا يكرم ويخفف الالام دي من عنده
واي خدمة يا قمر

تسلمي يارب على الجواب يا عمري وإن شاء الله خاتمة الأحزان يارب وتكون أيامكم كلها فرح والله يغفرله ويكتب له الجنة بدون حساب يارب له ولنا
وبخصوص القصة حبيبتي الألم كان عبارة عن اعتصارات قوية جدا وكنت ما أعرف لا أنام ولا أقعد وعلى طول تلاقيني ماسكة بطني وكأني أحاول مسك الرحم والقبض عليه مشان ما أحس بهالانقباضات والاعتصارات وأحيانا آخد حبة مهدئة وأنام على بطني حتى ما أشعر بالألم
وبخصوص الدكتور هو ما قالي الحمل يزيل الالتصاقات هو قالي الحمل هو الحل لمشكلة الانقلاب
وبخصوص الاطمئنان عن صحتي الآن فتسلمي لقلبي لا الحمد لله بعد هذه الولادة لم يأتي ألم بعد وإن شاء الله ما بيجي بس الدورة غزيرة نوعا ما ولكن لمدة سبعة أيام يعني كعادتها عندي
وشكرا إلك يا حلوة إنت

حبيبتى د - رشا انا بس عايزة امسى عليكى وابعت السلام ويارب تكون اخر الاحزان

حبيبتي رشروشة كيفك هلأ
يارب تكوني احسن يا قلبي

معلش بدي اغلبك عندي سؤال لصاحبتي
هي هلأ عم تعمل حقن مجهري بس المشكلة عندها انو لما بيشوفو الاباضة على السونار بتكون كتير منيحة والتحاليل للاباضة برضو منيحة
بس لما يتم السحب بيلاقو البويضات مش كويسة ومش من الدرجة الاولى ومو كاملة النضوج
هو شو ممكن يكون السبب حبيبتي
هي كتير قلقانة

ومشكورة يا عسل

حبيبتي دمدومة : شكرا على رقتك وزوقك وربنا يتقبل دعاءنا لبابا
الله يرحمه
طيب يا جميل كون مفيش الم دلوقتي بعد وصول الانسة ليا
الحمد لله يبقى مفيش مشاكل وهتلاقي كان فيه فعلا التصاقات بعد جودي والحمد لله راحت في العملية التانيه وربنا يبارك في القمرين جودي وليا
اما كون الدورة غزيرة فكنت عاوزة اسألك انتي ركبتي لوب
ولا بتستعملي حبوب الرضاعة كوسيلة لتنظيم الاسرة؟؟
حاجة تانيه كمان الانيميا بتسبب زيادة كمية الدم فاذا عندك انيميا
وده وارد جدا في كل السيدات العربيات
عاوزين نهتم شويه بنوعية الاكل وكمان لو تقدري تاخدي حبوب
حديد هيكون مفيد جدا ..واي خدمة يا قمر

حبيبتي لولا: الف حمد الله عالسلامة يا قمر
معلش حصلت الظروف دي ومعرفتش اباركلك بوصول حبايبي
حمدالله على سلامتك وسلامتهم ويارب تفرحي بيهم
انتي ووالدهم ويكونوا قرة عين لكما
انا عرفت انك استقريتي على
عبدالله وعبدالرحمن
بسم الله ماشاء الله الاسمين روعة
بس مين الكبير؟؟
مش مهم احنا نقولك ام بودي وخلاص
ميرسي خالص على سؤالك يا حبيبتي وبوسيلي العريسين
وخلي بالك من نفسك..ولو طنط (حماتك) لسة عندك بلغيها سلامي
واي خدمة يا قمر

حبيبتي تاما : كيفك انتي يا عسل وميرسي خالص على سؤالك عني
وبعدين انتي تؤمري بأي اسئلة يا تمتوم ..
بالنسبة لموضوع البويضات ده فبصراحة كونها بالسونار والتحاليل
بتكون تمام ولكن عند السحب بتظهر مشاكلها انا كده ممكن
اشك انه ممكن يكون فيه خلل في الجينات
بس ده بيكون عبارة عن طفرة يعني مش شئ دائم
اقولك قبل ما نجزم بالسبب
معلش عاوزاكي تقوليلي ايه ظروف صاحبتك دي
بمعنى
هل ده اول حمل؟ولا ده تأخير في الحمل التاني؟؟
هل الموضوع ده اتكرر؟ولا اول مرة يحصل؟؟
كمان عمرها كام؟؟
وايه الادوية اللي بتاخدها؟؟
معلش يا تمتومتي انا اللي غلبتك بأسئلتي بس علشان اعرف اجاوبك
بشكل صحيح...في انتظار اجاباتك
واي خدمة يا قمر

حبيبتي رشروشة شكرا الك
هي اول حمل ليها ما عندها اطفال لسه
وعمرها 30 سنة
بس مش عارفة شو الادوية اللي بتاخده
والموضوع دايما بيتكررمعها المسكينة

وشكرا كمان مرة يا قلبي ا

د.رشا كتب:: حبيبتي دمدومة : شكرا على رقتك وزوقك وربنا يتقبل دعاءنا لبابا
الله يرحمه
طيب يا جميل كون مفيش الم دلوقتي بعد وصول الانسة ليا
الحمد لله يبقى مفيش مشاكل وهتلاقي كان فيه فعلا التصاقات بعد جودي والحمد لله راحت في العملية التانيه وربنا يبارك في القمرين جودي وليا
اما كون الدورة غزيرة فكنت عاوزة اسألك انتي ركبتي لوب
ولا بتستعملي حبوب الرضاعة كوسيلة لتنظيم الاسرة؟؟
حاجة تانيه كمان الانيميا بتسبب زيادة كمية الدم فاذا عندك انيميا
وده وارد جدا في كل السيدات العربيات
عاوزين نهتم شويه بنوعية الاكل وكمان لو تقدري تاخدي حبوب
حديد هيكون مفيد جدا ..واي خدمة يا قمر

مشكورة رشروش ع إجابتك بس بخصوص اللولب لا ما ركبت لولب ما بعرف ليش ما بحبو وبخصوص حبوب التنظيم ومنع الحمل لا ما أخدت لا حبوب رضاعة ولا حبوب مش رضاعة لأنو بتذكر بجودي إنو كتير تنفخت وقت أخدت حبوب الرضاعة ولما تركتها وأخدت الحبوب اللي مش بتاعت الرضاعة لما أتمت ابنتي ستة شهور حسيت إنو حليبي خف وقل كتير وهيك نفطمت تلقائيا لوحدها لأنو ما بقى في حليب كتير
وبخصوص موضوع الحديد طيب مافيش حل تاني لأنو الحديد بحسو بيفتحلي شهيتي ع الأكل وكمان حاسة إنو الفيتامينات الب1 و ب2 كأنو كمان عميفتحولي شهيتي ع الأل زيادة مشان هيك وقفت لوحدي كل الأدوية
بعرف إنت دكتورة ورح تزعلي مني ليش هيك تصرفت لوحدي خخخخخ بس أنا مش عايزة أسمن أكتر من كده
فبليز بدي حل دكتورة بدون ما أسمن وتنفتح شهيتي ولو عندك قاطع شهية بليز عطيني اسمو هههههههههه

هلا دكتورة
كيف اخبارك ان شاء الله تمام.....
انا طبعا فقدت الامل بالحمل هالشهر تماما لانه ماصار الجماع غير مرة بس حاسة اني مش حامل

بسألك ابدا الشهر الجاي منشطات من جديد؟؟ او انتظر شهر واشوف التبويض طبيعي كيف يكون بعد مااخذت حبوب هرمون الحليب؟؟
لاني نفسي زوجي يعمل تحليل عندي احساس انه عنده مشكلة بس ربي يصلحه مو مفتنع وانا خايفة اخذ منشطات علي الفاضي خصوصا زاد وزني شوية وانتفخت بطني من الابر وخايفة استمر

حبيبتي رشا معليش انا كان عندي سؤال انا اتاخرت دورتي يومين بس
وهي في الاساس من يوم ما بلغت بتجيني كل 40 يوم مرة وعندي بيبي عمرها 3 سنوات بس زوجي عندو شوية ضعف من الدوالي في الخصية وساعات بيزيد العدد جدا ويطون كويس والحركة وساعات بتكون مش كتير المهم انا عملت تحاليل قبل كدا للهرمونات من 7 شهور وطلعت كلهها كويسة واطلع عليها دكتورين طبيب نساء وولادة و طبيب غدد المهم السؤال انا متاخرة دورتي يومين و كل ما اتحرك و اقوم و اقعد احس بشيء في اسفل بطني يتشنج بقوة ساعات لو قمت فجاة و ساعات بالراحة لو قمت بالراحة و هو مش مغص هو تشنج في منطقة وحدة من البطن و اكتر حاجة الشمال انا جسمي ووزني كويس واخر مرة عملت سونار الحمد لله ما كان عندي تكيسات اوشي
الالم دا هو ايه انا خايفة و الله بلييييييييييييييز طمنييني و شكرا و الله يرحم باباكي انا مش بدخل كتير عشان كدا و الله ما اعرف

حبيبتي رشا هاد سؤال من عضوة معنا بالمنتدى
dano80

السلام عليكم و رحمة الله
عزيزتي د.رشا سؤالي هو ما هو هبوط الرحم ؟؟؟ ما هي اعراضه , أسبابه , علاجه ؟؟؟
الله يعطيك العافية و مشكورة

كيفك دكتورة رشا

يارب تكوني بخير

عندي سؤال لو سمحتي

هل هذا الكريم يضر بالجنين وانا مضطرة لاستعماله لانو عندي حساسية بايدي
Diprosone 0,05% creme
BETAMETHASONE

سؤال تاني كمان لو ثقلت عليكي
انا هلئ حامل بالشهر الثالث ورحت لعند الدكتورة وما وصفتلي لا مثبتات (باعتبار صار عندي اجهاض) ولا فوليك اسيد
فهل اذا ما تناولت هالدوا بيصير شي للجنين

وجزاك الله خيرا

حبيبتي تمتوم : والله مش عاوزة افتي في الموضوع
بصراحة انا شايفة انه صاحبتك تجرب تعمل التحليل في معمل تاني
علشان مش ممكن تكون نسب الهرمونات سليمة وفي الوقت نفسه
عند السحب تطلع البويضة مش مناسبة
اصل هيا منظومة متكاملة مع بعضها نمو البويضة في الحجم يصاحبه
النمو الوظيفي المتمثل في ارتفاع نسب الهرمونات
وكمان كون السونار مطلع انه الحجم سليم
والله انا في حيرة وربنا يكون في عونها بس ياريت لو تغير
المعمل وكمان مكان السونار يعني يمكن ربنا ييسر
اصلها 30 سنه متعتبرش كبيرة لا ده مفروض سن الخصوبة
وربنا يكرمها يارب
واسفة يا تمتومتي خالص لاني مش عارفة اساعد صاحبتك
واي خدمة يا قمر

حبيبتي دمدوم : والله انك ضحكتيني الحبوب بتتخن
والحديد بيتخن والفيتامينات برضه ههههههه بس اقولك انا زيك كده
مية الشرب بتتخني وربنا ييسر علينا ولنا موعد في قسم الريجيم
ان شاء الله
طيب ماشي يا باشا بلاش حديد نديها سلطات وفواكه
اهه تبع الريجيم يا جميل لا بجد كل ما فيه الوان
طماطم باذنجان اناناس برتقال كيوي خضار (جرجير وخس)
بطيخ مشمش بقولك اديها كل انواع الفاكهه والخضار
وده كله هيزود الحديد وفيتامين سي وب المركب
ودول الحاجات المهمه في تصليح الانيميا وكمان في تقوية الشعيرات الدموية
وبالتالي يقلل كمية النزف سواء في الدورة او غيره...
ويارب وزننا جميعا ينزل بدون مرض اميييييييييييييييين يارب العالمين
واي خدمة يا قمر

حبيبتي شوق : ماشاء الله عليكي مش بقولك دكتورة
انا نفسي كنت هنصحك بكدة ...لو ربنا مارادش انه يكون فيه حمل الشهر
ده نريّح 3شهور من المنشطات وننتظر استجابة المبيض الطبيعية
وده ليه فوايده طبعا ..يعني لو محصلش حمل خلال الفترة دي
لما نرجع للمنشط تاني استجابة المبيض بتكون افضل ان شاء الله ...
وربنا يهدي زوجك ويعمل التحليل علشان لو عنده اي سبب
نعالجه بدل بهدلتك دي ..
اه موضوع زيادة الوزن متخافيش مجرد انك توقفي الهرمونات وتعملي كنترول
بسيط للاكل هتلاقيكي نزلتي علطول ...
وربنا يقدم ما قيه الخير وياعالم ممكن تطلعي حامل ياجميل
المهم نطمن عليكي واي خدمة يا قمر

حبيبتي رشروش: اولا ربنا ييسر وممكن تكوني حامل
واحتقان والالام الحوض من الاعراض الاولى للحمل ...ده مبدئيا
تاني حاجة ماشاء الله مادام كل تحليلاتك سليمة ووزنك طبيعي يبقى متقلقيش دي مسألة وقت
انتي مبطلة استخدام وسيلة بقالك اد ايه؟؟
اما بالنسبة لزوجك فموضوع الدوالي مش بيأثر اوي ما دام تحليلاته كويسه
يعني مش شرط يعمل عملية
الا لو كانت تعباه اوي ...
وتفسيري للالم ده معلش حاجة من الاتنين اما انه الدورة هتنزل وده احتقان ما قبل الدورة
وممكن تكون نزلت فعلا دلوقتي ،، او انها مش هتنزل وده اللي تاعبك
يبقى فيه حل واحد تحليل الحمل موجب يبقى الف مبروك يا رشروشه
سلبي بعد الفترة دي يبقى هناخد حاجة تنزل الدورة علشان ترتاحي من الم الحوض ده ..
وبما انه النهارده الاربعاء تبقى لو منزلتش كده تكون متأخرة ست ايام
يبقى تحليل الحمل في البول هيبان اما موجب او سالب مفيش احتمال
انه لسه شوية ....وياريت تطمنيني ..
والله يبقى حياتك تسلمي يا جميل ..
واي خدمة يا قمر

حبيبتي تمتوم : شكرا يا جميل لردك عني في موضوع دانو
ونقلك للسؤال هنا ..وتسلميلي ياقمر فعلا مكنتش هاخد بالي والله
لاني بادخل على العيادة هنا من الفيفوريت دايركت...

حبيبتي دانو: اهلا بيكي ونورتينا وشكرا لتمتومتنا انها عرفتك بالعياده
وكويس اننا عرفنا انك بنت اخو ماما ام كرم يعني بقينا قرايب لانها مامتنا كلنا هنا
شوفي يا جميل انا جبت لك الموضوع ده عن سقوط الرحم
وان شاء الله يفيدك انتي والاخوات وانا حاضرة لاي استفسار او شرح اي نقطة

هبوط الرحم أو تدلي او سقوط أو تهدل الرحم و هبوط المهبل أوالسقوط المهبلي Prolapse of the Uterus

وهي حالة يهبط في الرحم ويتدلى نحو المهبل، وفي الحالات الشديدة قد يتدلى حتى يخرج من فتحة المهبل.
يحتفظ الرحم والمهبل بوضعهما في الحوض لوجود
(1)أربطة تصل عنق الرحم والجزء العلوي من المهبل بجدار الحوض من الجانبين والأمام والخلف.
(2)حيوية الانسجة الخلوية المحيطة بالمهبل.
(3)عضلات أرضية أو قاع الحوض التي تحيط بالمهبل وتفصل بينه وبين المستقيم من الخلف.
(4)حيوية غشاء العجان الذي يخترقه المهبل، وكذلك عضلات العجان.
(5)ميل الرحم للأمام يمنع هبوطه إلى الاسفل.

اسباب الهبوط

تدلي الرحم والمهبل يعني هبوطهما أسفل الوضع الطبيعي، وعادة ما يحدث هبوط العضوين معآ لأن الأربطة التي تحفظهما في الحوض تصلهما معآ بجدار الحوض.

وضعف عضلة ارضية(قاع) الحوض يسهل هبوط الرحم والمهبل.

وقد يبدأ السقوط بالرحم ليجذب معه الجزء العلوي للمهبل، وقد يحدث العكـــس وقد يكون ظهور الهبوط في الرحم أكبر من الهبوط في جدار المهبل ، والعكـــس صحيح.

وفيما يلي نستعرض أسباب الهبوط:

[(أ) ضعف أربطة عنق الرحم:[

/1- ضعف خلقي مسببآ سقوط الجهاز التناسلي في سن مبكرة، وقد يحدث السقوط قبل الزواج والولادة.
2- اسباب لها علاقة بولادة خاطئة:
(أ)تكرار الولادة دون وجود فترة زمنية مناسبة فاصلة حتى تستعيد الاربطة والعضلات قوتها.
(ب)الحزق لمحاولة الولادة قبل اتساع كامل لعنق الرحم، حيث يحدث هذا ضغط الراس على عنق الرحم قبل إتساعه مضعفآ أربطته.
(ت)محاولة توليد الراس عن طريق الجفت أو جهاز الشفط أو توليد "المجيء بالمقعدة" قبل إتساع عنق الرحم اتساعآ كاملآ.
(ج)إذا كان المولود كبير الحجم محدثآ تمزقآ في الاغشية المحيطة بالمهبل التي تسانده.

3- ضعف الأربطة والعضلات بعد سن اليأس ، حيث يقل هرمون الإستروجين الذي يؤثر على حيوية وقوة هذه الاربطة والعضلات.

(ب) تمزق عضلات أرضية الحوض والعجان:
ويحدث هذا بسبب الولادة وعدم خياطة هذه التمزقات.

(جـ) ميل الرحم إلى الخلف:
يساعد هذا على هبوط الرحم بالمهبل ثم الشد عليه.

العوامل المحفزة على الهبوط:
السعال المزمن.
الإمساك المزمن.
وجود أورام بالبطن.

حيث تؤدي هذه الأسباب إلى زيادة الضغط بالتجويف البطني ضاغطة على الرحم إلى أسفل، وكذلك الجذب على الرحم من اسفل عن طريق السقوط المهبلي.

انواع الهبوط المهبلي:

أ- هبوط بجدار المهبل الأمامي:
هبوط الجزء العلوي من جدار المهبل الأمامي يجذب معه جدار المثانة مسببآ هبوطآ في المثانة.
هبوط الجزء السفلي من جدار المهبل الامامي مسببآ هبوط قناة مجرى البول معه.

ب- هبوط الجدار الخلفي للمهبل:
هبوط الجزء العلوي للجدار الخلفي للمهبل مسببآ نزول الأمعاء في هذا الجزء من الهبوط.
هبوط الجزء السفلي للجدار الخلفي للرحم ومعه هبوط المستقيم.

المضاعفات:
1- إحتقان جدار المهبل وجفافه وإلتهابه، وقد تحدث تقرحات به.
2- إستطالة عنق الرحم.
3- ميل خلفي للرحم، وإحتقان المبيضين، مؤديآ إلى تقارب دورات الطمث وكثرته.

الاعراض والشكوى

أ- الشعور بثقل أو ضغط في أسفل الحوض، والشعور بضعف العجان.
ب- ظهور ورم أو تضخم من المهبل عند الجزق أو الوقوف وإحتفاء ذلك عند النوم.
ت- عسر طمث إحتقاني، حيث تشكو المريضة من الآم في الحوض قبل بدء الدورة الشهرية.
ث- سلس البول: الشعور بالرغبة في تكرار البول نهارآ أو عسر التبول، وفي حالة حدوث التهاب في جدار المثانة يستمر الشعور بالرغبة في التبول ليلآ ايضآ مع الشعور بالالام أثناء التبول، وقد تخرج كمية من البول عند العطس أو السعال، وقد يحدث مغص كلوي نتيجة للهبوط الرحمي جاذبآ معه أربطة الرحم حيث يضغط ذلك على الحالب.
ج- الشعور بالرغبة الكاذبة للتبرز ( في حالة سقوط الجدار الخلفي للمهبل).
ح- افرازات مهبلية قد تصبح مدممة في حالة حدوث تقرحات في المهبل.
خ- تقارب الطمث وزيادة كميته.
د- الشعور بألم اثناء الجماع.
ذ- آلام اسفل الظهر).
ر- قد تشكو المريضة من سعال مزمن أو امساك مزمن أو من ورم في البطن.

التشخيص
يمكن أن يشخص الطبيب حاالة تدلي الرحم بسهولة اثناء الفحص الحوضي

الوقاية
عدم الحزق اثناء الولادة قبل إتساع عنق الرحم إتساعآ كاملآ.
عدم محاولة توليد الرأس بالجفت قبل اتساع عنق الرحم إتساعآ كاملآ.
عدم محاولة توليد المجيء بالمقعدة قبل اتساع عنق الرحم إتساعآ كاملآ.
إجراء عملية توسيع للعجان جراحيآ إذا لزم الأامر وتصليح ذلك بدقة.
خياطة اي تمزقات في العجان اثناء الولادة.
نصح المريضة بإجراء تمرينات لعضلات الحوض والعجان بصفة متكررة بعد الولادة ولمدة ستة اشهر (ممارسة تمارين كيجل لتقوية عضلات العجان)

العلاج
تقرر طبيعة العلاج حسب كمية الهبوط ودرجة الضعف في الوسائل الطبيعية المدعمة للرحم وعمر المريضة:

إذا كان الهبوط بسيطآ غير مسبب لأعراض، تنصح المريضة بتمرينات لعضلات الحوض والعجان، ويتكرر ذلك بصفة متظمة حتى لا يزيد الهبوط

إذا كان الهبوط بجدار المهبل يجرى تصليح جراحي لجدار المهبل وتسند المثانة والمستقيم بخياطة الأنسجة تحتهما.

إذا صاحب ذلك هبوط في الرحم، يضاف لتصليح جدار المهبل تصليح(تقصير) لأربطة الرحم بخياطتها أمام عنق الرحم، وفي حالة استطالة عنق الرحم يستأصل جزء من عنق الرحم ايضآ.

إذا كان الهبوط الرحمي بعد سن اليأس، يستأصل الرحم عن طريق المهبل، كما يجرى تصليح لجداري المهبل.

إدخال كريم إستروجين إلى المهبل للمساعدة على إستعادة قوة ونشاط الأنسجة المهبلية.

فيما يتعلق بالنساء اللاتي لا يرغبن في الحل الجراحي ولكن لديهن صعوبة في إبقاء الرحم في موضعه، يمكنهن

إستخدام أداة تسمى فرزجة(تحميلة) Pessary وهي غالبآ ما توفر دعمآ كافيآ للرحم ، والفرزجة تشبه الحاجز الغشائي

المستخدم لمنع الحمل ، إذي يتم تركيبه بحيث يلاصق عنق الرحم للمساعدة على منع الرحم من التدلي وهو يحتاج إلى متابعة لتصحيح وضعه على فترات منتظمة.

اتمنى تكون المعلومات واضحة وانا مرة تانية حاضرة لاي تفسير
واي خدمة يا قمر

حبيبتي منارة: ازيك انتي يا جميل وحشتينا من زمان مجيتيش العياده
شوفي يا قمر المراهم والكريمات بشكل عام جزء ضئيل منها هو
اللي بيمتص وممكن يوصل للبيبي بس ان شاء الله
ربنا يستر هو القلق انه الكريم ده كورتيزون فنخاف على تكوين ووظيفة
الغدة الكظرية للجنين
فنصيحتي استخدمي الكريم في اضيق الحدود لغاية بداية الشهر الخامس وبعدها ان شاء الله
مفيش قلق من استخدامه خصوصا انه تركيزه ضعيف ...
وبالنسبة للتثبيت فوالله متخافي اكيد الدكتورة لو شاكه في اي حاجة مش هتتردد
انها تكتب المثبت يعني هيا خسرانه ايه..عشان كده هيا اكيد شايفة ان الامور مطمئنة
والحمد لله طبيعيه عشان كده مكتبتوش
اما الفوليك اسيد فهو وظيفته في اول 8 اسابيع من الحمل وبس
عشان كده بنقول يفضل ان السيدات ياخدوه من قبل الحمل لان غالبا الحمل بيكتشف في
الاسبوع الخامس او السادس... المهم نصيحتي تابعي مع الدكتورة
دي لانه واضح انها فاهمه شغلها ومش من النوع اللي بيحب يكتب ادوية وخلاص
وربنا يكمل حملك على الف خير ويرزقك بالذرية الصالحة انتي وكل محروم يارب
وطمنينا عليكي واي خدمة يا قمر