مع اول أكله للشيف هيما ( ملاك الحب ) يارب تعجبكم

يلا نقول بسم الله ونشمر ايدينا ونبتدى الشغل ياابطال
hb6

اولا احنا لا بنغش ولابنبيع كلام ياناااااس احنا الاصل وملناش تقليد
يعنى الاصل يعمر والتقليد يدمر
انا هبتدى معاكم بأكله بس سهله والله ومش تحتاج وقت
الوجبه عبارة عن (شوربة لسان عصفور ، وشرائح لحم فلتو بصوص الماشروم )
ايه رأيكم الشيف هيما الشطور يبتدى يدخل المطبخ ويشتغل بس الكل يركز معايا ومش عاوز دوشه
- اولا : شوربة لسان الكتكوت لالالا العصفور

كله يكتب بأه يلا هاتى ورقه وقلم انتى وهى
- عدد 1 كوب مكرونه لسان عصفور - عدد 2 بصله متوسطة - عدد 1 مكعب مرقة
- عدد 2 ملعقة سمنة - ملح ، فلفل اسود

بصى ياستى بأه هقولك على طريقة التحضير عشان متقوليش حرمك من حاجه بس وبالتفصيل كمان
- قومى هاتى كبريت وتولعى البوتاجاز طبعا مش هتسويها على حرارة الشمس
- هاتى الحله وحطى السمنه بسرعه يلا هاا سخنت السمنه ؟؟
- طيب قطعى البصله وارميها بأه فى الحله مش من الشباك
طبعا نسيتى ورميتى بصله وحده ... ليه هو مش انا قلت ركزى ... مش انا فى الاول قلت بصلتين ؟؟
ijiii

- وطى النار شوية مش كده هتحرقيها
- قلبى البصله بشويش لحد ميبقى لونها اصفر دهبى
tgr4edw

- ارمى المكرونه عليها وقلبى لحد متاخد المكرونه اللون البنى بس حذارى تحرقيها !!
- وتجهزى 3 كوب من الماء وحطيها عليها وارمى عليها مكعب المرقة والملح والفلفل وسيبيها على النار تغلى لمدة 10 دقايق واياكى والطفاسه ... يعنى مش تروحى تجرى على الحله وتدوقى علطول لأ انفخى هوف هوف الاول عشان لسانك ميتلسعش اوك اللهم بلغت اللهم فشهد
اه نسيت ابقى صبي فى الطبق وممكن تضيفى نص لمونه لو تحبى

وبالهنا والشفا

اه ياجماعه ياريت عمو المشرف اوطنط المشرفه ينقله فو قسم الشوربات والمقبلات rtgf

تسلم ايديك الطبخة حلوة.
بس انا عايزة طريقة اعداد صينية البطاطس المصرية ممكن.

تعرفى ياموني انتى دخلتى التاريخ طالما قريتى الاصناف بتاعتى
ومش كده وبس لا دنتى بتطلبى مني المستحيل كمان ال صينية بطاطس ال
بس مش هزعلك هعملهالك رغم انى كنت بعملها ايام ما كنت مبتدىء
اه وعلى فكره برضو انا الطبخ بالنسبالى هواية مش عمل

شكرااااااا يا هيما
اسلوبك صحيح كوميديانى بس اهلا بك معنا فى قسم المطبخ ومتحرمناش من جديدك
تم نقل الموضوع
بس ياريت بعد كده تكتب المواضيع فى قسمها المناسب
نورت مطبخنا يا ملاك الحب
تسلم يدك cdcd

malak_el7ob كتب:: اه ياجماعه ياريت عمو المشرف اوطنط المشرفه ينقله فو قسم الشوربات والمقبلات

اكيد انت كده مبسوط يالله ورينا شطارتك يا شطور 5rf

أكيد الطبخة حلوة

ويالله أنا هستنى لما تعمل لنا الكشري ده أنا بتمنى أعمله بس ما بعرف كيف

نورتنا في الطبخ يا ملك الحب ولا تحرمنا من هواياتك

الله امال فين صينية البطاطس يا هيما

https://themarel7ob.yoo7.com/montada-f22/topic-t3708.htm#52516
مونى الصينيه هنا على هذا الرابط