لعبة الصراحه والصراحه وبس

طبعا لأن المعاملة مع ربنا مو مع الشخص فقط

وين سؤالك مامتي
ابوسك

طيب انا رح اسأل

ازا حدا ضايقك وجرحك شو بيكون موقفك ؟؟؟

إذا كان إنسان غير واعي أسامح و أبتعد

أما إذا كان إنسان واعي أسامح و أواجهه

نفس السؤال أعيده لأرى جواب غيري

إذا حدا ضايقك و جرحك شو بيكون موقفك ؟؟؟

حسب مكانه الشخص بحياتي

اذا كنت بحبو وكان اله غلاوة ومكانة بقلبي ف بسامح وبعاتب وبنسى مع الوقت

اما لو كان شخص عادي وتعمد هالشي أو ماتعمد.. ف اكيد بسامح بس مابعاتب ومابنسى

وعالحالتين بعامل كلا الشخصين بالمنيح وبسامح لانو هيك تربيت .. اعامل الناس على اخلاقي مو على اخلاقهم .. ورد السيئة بالحسنة لانو المعاملة مع الله مو مع العباد ..

نفس السؤال رح كرره للي بعدي عجبني مووووووووت

ميرسي توتو

إذا حدا ضايقك و جرحك شو بيكون موقفك ؟؟؟

أنا إنسانة كثير متسامحة بس في نفس الوقت أنا كثير حساسة بحب أنو هداك الشخص يضربني و لكن لا يجرحني بالكلام لأني لا أحب التجريح بالكلام لكن في الأخير على الإنسان أن يرد السيئة بالحسنة زي ما أمرنا الله و رسوله الأكرم و الله يسامح الجميع

ما هو شعورك عندما ترين أعز الناس على قلبك يخوننكي؟؟؟

اصعب شعور واكتر شعور ممكن يجرح القلب

بس ماصار معي لهلأ

ويارب ما اتعرض لهيك موقف صعب جدا وقاسي بنفس الوقت

للي بعدي

شو اكتر كلمة بتحبي تسمعيها دايما ؟؟

الكلمة اللي بحب أسمعها دايما هي بحبك و بعشقك و عم أستنى كلمة ماما

ما رأيك بشباب اليوم أو الجيل القادم؟

الله يستر ع الشبا كلهم و يصلح حالهم
بصراحه كتير متاثرين بالغرب

احلى كلمه سمعتيها تركت بصمه على قلبك؟ و من مين؟

بصراحة احلى كلمة بتترك بصمة على قلبي
لما بابا او ماما بيحكولي الله يرضى عليكي
بحس كاني ملكت الدنيا

مين اكتر عضوة بالمنتدى بتحسي حالك قريبة منهااااااا كتيرررر

دمدومتي و تمتومتي و ميسوتي

شو اللي ما بتحبي تسمعيه ؟

للي مابحب اسمعو

كلام يتوجه الي غير صادر من القلب يعني كلام المجاملة ..

وبكره الكذب والوجهين ف اي كلام فيه كذب او يقال لي شي و من خلفي يقال شي هاد كتير بيضايقني وبتمنى ما اسمع هيك كلام ..

أو اي شي بيضايقني ..بشكل عام

للي بعدي :

شو رأيك بالصيف ؟؟

الصيف منيح فيه بروح للبحر و الأعراس و الحفلات بس بحب الشتاء أكثر لأني بحب المطر كثير

ما هو شعورك عندما ترين زوجك أو حبيبك مع إنسانة ثانية؟

حسب مين هالانسانة الثانية شو موقعها من الاعراب ؟؟؟

اذا كانت انسانة غريبة ولا يوجد داعي لوجدها معو وجلستهم مو طبيعية

هون بقى الفار بيلعب ب عبي هههههههههههه بيصير اسمها خيانة

اما لو كان في سبب مقنع لوجوده معها ( شغل 0 قرابة )

صح انا غيورة درجة أولى

يمكن مافي مخلوقة بالعالم قدي بالغيرة

ومابتمنى وصل لهي المرحلة اني شوفو مع وحدة تانية

لانو اكيد لما الزوج بيفكر يتزوج او يخون لشي ناقصو

وانا بدعي ما نقص شي ع زوجي ..

فهون الثقة بتلعب دورها بهالمواقف ..

واكيد عقلي موصغير لاترك زوجي لوحدة تانية او اعطيه مجال يفكر يطلع ب غيري ..

للي بعدي

شو الفرق بنظرك بين خيانة الزوج العلنية وخيانته السرية ؟؟

في كلا الحالتين رح أقتلو
شو بتاعملي لو خانك زوجك؟

اكيد مابكمل ولا لحظة

لانو للي بيخون مرة بيخون الف

وخصوصي لو ماكان في سبب مقنع او مبرر

انتي شو رأيك بالخيانة بشكل عام ؟؟ الخيانة ام الكذب اي اصعب؟؟

الكذب الضار نوع من أنواع الخيانة

والله لا يتوهنا و لايفرجينا هالشي

شو رأيك بالجمال ؟

الجمال جمال الروح

وقد ماكانت الوحدة عم تعتني بجمالها الخارجي ف هاد ما رح يخبي عيوبها الداخلية

شو رأيك بالصراحة الزايدة ؟؟

الصراحة شيء بس لما تكون زايدة كثير بتصير رخمة يعني ممكن تأدي للكثير من المشاكل يعني لازم تكون في حدود للصراحة
هل أنت من الناس التي تعرف كيف تجلب الطرف الثاني من نظرة العين؟

من نظرة العين ؟؟

مممم لأ ماجربتها بصراحة هههههههههههههههههههههههه

للي بعدي شو بيعني لك الماضي ؟؟

يعني ممكن حدث من الماضي يرجع يأثر عليكي هلا ومستقبلا ؟؟

إيه بيأثر و أنا حصل معي هالشيء هالأيام

فيكي تنسي الماضي بسهولة؟

لا طبعا بأول فترة

لكن مع مرور الوقت بينسى الواحد

لانو الدنيا ماشية ماشية مابتوقف ..

اصلا نحنا ليش اسمنا انسان ؟؟

من كثرة النسيان

للي بعدي شو اكتر اغنية بتحبي تسمعيها وليش؟؟

الصراحة في كثير من بينهم:
على بالي-ارجعلي-بتمون-الله يباركلي فيك-نوكل عليك ربي-إنت مني-أكثر
لأنهم يعبروا عن مشاعري الداخلية

أغنيتك المفضلة؟

اغنيتي المفضلة ..

حالياً فقط :

top3

لـ كارول سماحة اسمها جيت

ويارا اسمها انت مني

ميريم فارس اسمها أنت بتقول ايه

للي بعدي :

وين كان شهر عسلك ؟؟

بفرنسا

وين حابة يكون شهر عسلك؟