عجينه المكرونه صدقى او لا تصدقى

السلام عليكم ورحمة الله وبركاته،،

عجينة المكرونة
صدقى اولا تصدقى

*****************

1كيلو دقيق - 8: 9 بيضات -20 جم ملح -40 جم زيت زيتون




نصف المقدار:
1/2 كيلو دقيق - 3 :4 بيضات - 10 جم ملح-3 معالق طعام عادية زيت زيتون( لو لنفس اليوم) او زيت ذرة (لو العجينة هتبات لتانى يوم)و تترك لترتاح قليلا

التجهيزات:

اولا بنفرد العجينة بالنشابة قليلا



و لانها صعب تتفرد جدا فمحتاجة ماكينة و ده شكلها و هى معروفة جدا



الماكينة فيها كذا مكان لكذا نوع من انواع التقطيع و لها مؤشر به ارقام على الجنب
اولا نستخدم الجزء الاملس لترفيع العجينة باننا ناخدها من اعلى درجة من الدرجات مثلا لو عندك من 10 و بعدين لما تطلع ندخلها تانى على 9 ثم 8 و هكذا لحتى درجة 1
هتكون كده جاهزة لعمل اى شئ منها

اولا : اللازنيا



نقطع العجينة على قد القالب او الصينية اللى هنعملها فيها و محتاجين 3 طبقات




و بعدين نسلقهم فى ماء مغلى به زيت(حوالى 2 لتر ماء عليهم 1/2 كوب زيت)لمدة 3-4 دقائق ثم ننشلها و نضعها فورا فى ماء مثلج
نحضر البشاميل و هو عبارة عن1/2 كوب دقيق نحمره فى1/2 كوب زبدة لكن بدون تغيير لونه يعنى نسويه شوية و بعدين نكون غلينا 1 كيلو لبن وبعدين نضع قليل من الدقيق بالزبدة مع اللبن ثم نضع اللبن على الدقيق بالزبدة و نقلبه
فى القالب نضع قليل من البشاميل ثم طبقة لازانيا ثم خضار او لحم و بشاميل ثم لازانيا ثم خضار و بشاميل و اخيرا لازانيا ثم بشاميل و جبنة رومى مبشورة وتدخل الفرن حتى يحمر وجهها

وده شكلها النهائى



ثانيا :الكانيلونى Cannelloni

نقطع قطع مربعة من عجينة المكرونة



و تحشى باللحم المفروم مع البصل وتلف رول مثل السيجار


و ترص فى صينية مدهونةبالبشاميل و يوضع بشاميل على الوجه و جبنة مبشورة او ممكن بدل البشاميل صلصة طماطم


و شكلها النهائى






ثالثا :الرافيولى

ravioli

نقطع العجينة قطع مربعة مشرشرة و نضع الحشو فى المنتصف(الحشو:جبنة قريش و زعتر و سبانخ مفرومة) و تقفل من الاطراف



نكمل بقية الوصفات بعدين لو دول عجبوكم

حلوةةةةةةةةةةةةةةةةةةةةةةةةةةةةة اة حرام عليكم الروجيم راح فىدايهة هعملها وانزلكم الصور