كرسي الاعتراف الخاص بالأم المثالية في منتدى ثمار الحب

السلام عليكم يا أحلى امهات بأروع منتدى بالعالم

منتدى ثمار الحب

كيفكن ياأمهات ؟

وكتاكيتكن ؟

ان شاء الله تكونو بخير و صحة و سلامة

اليوم إجت ع بالي فكرة اتمنى انها تعجبكم مشرفات و عضوات و بشطارتكم ينشط الموضوع

و نستفيد احنا امهات المستقبل من بعضنا

فكرة الموضوع مستوحاة من موضوع كرسي الاعتراف اللي بركن كرسي الاعتراف

لكن هون بينهم ان كرسي الام المثالية مفيد للجميع بالاضافة للتسلية !

و الفكرة بالتفصيل :

يتم اختيار عضوة من ركن الأمهات والأسرة

على ان تجلس على كرسي الاعتراف لمدة أسبوع ،

و تطرح عليها الامهات

مجموعة من الاسئلة التي بحاجة الى جواب منها و طبعا في مجال تربية الأطفال فقط

و هناك اسئلة جانبية كــ ( طريقة الام في تنظيم الوقت بين الاطفال و الزوج و إلخ ) !

هكذا ستعم الفائدة ان شاء الله على جميع الامهات في الركن و سنكن جميعنا امهات مثاليات .

كرسي الاعتراف الخاص بالأم المثالية في منتدى ثمار الحب 14_2

كرسي الاعتراف الخاص بالأم المثالية في منتدى ثمار الحب 14_20

و اسأل الله ان يجعلنا امهات صالحات لنربي جيلا ناجحا لا ينتج الا ابناء صالحين ، مؤمنين ، خدام لدينهم و مجتمعهم !

كرسي الاعتراف الخاص بالأم المثالية في منتدى ثمار الحب 11_11

كرسي الاعتراف الخاص بالأم المثالية في منتدى ثمار الحب 11_11

يلا نبدأ ياحلوين

بالتصويت ع 3 أمهات وهم

نونة

أم رهف

لولا

كرسي الاعتراف الخاص بالأم المثالية في منتدى ثمار الحب 12-38

يلا صوتو

5tgb

وللي بتأخد اكبر نسبة تصويت

هي رح تجلس عالكرسي

ddde

لاتزعلو والله اخترتهم لا على التعيين

والعضوة للي تخلص

تختار 3 أمهات اوكي ياحلوين

أتمنى فعلا ان يلقى الموضوع تشجع من الجميع لنبدأ ..

أبدأ تصويتي

ل نونة .. حابة اعرف شو عم تعمل ب زينغو ورينغو يؤبروني

و أنا كمان أصوت لنور

شكرا عالتصويت ياعسل

صار عنا 2 صوت ل نور

يلا بدنا تصويت يلا وين الهمة ياعسلات

والله شكلكم لبستوني ياها

ايه والله ياقلبي

انا محضرتلك اسئلة ليوم الاسئلة عن العسولين

ههههههههههههههه ياعمري يلا انا جاهزة

نونة بس طلب صغنون

ممكن باعتبارك رئيسة عصابة الامهااااات هوووووووووون

تخبريهم عن الموضوع بليززززززززز

شكلو ماحدا شافو

وااااااع

وينكم يا أمهاااااااااااااات ؟؟؟

8ut

ماعجبكن الموضوع وفكرتوووووووو

yhy

وانا كمات اصوت لنور

انا بصوت لحبيبتي نور

و أنا كمان بصوت للغالية نور

اف اف اف
كلكم علي

شو هادا ياجماعة؟؟

الله يعينني عليكم وعلى اسئلتكم

التصويت استقر ع نور

باعتبار اخدت اكبر نسبة أصوااااات

يلا نبلش ههههههه

الله يعينك

و سؤالي لك ..

لما بيبلشو ولادك يتخانقو ع لعبة أو أكله أو هوشة.. كيف تتصرفين
و تفكين النزاع ؟

سؤالي التاني

لما بتكوني ب قمة النعس ...

واطفالك برا عم يلعبو ويضوجو شو بتساوي معهم ؟؟

سؤالي الأخير لليوم ..

هل هناك طقوس ما تمارسينها اثناء تنويم اطفالك؟؟

السلام عليكم فكرة حلوة كثير يا بنات ....
نونة ... حابة اسئلك :
شو اول اكلة بديتي بيها لاولادك ؟
وقديش يستغرق الوقت اللي تقنعي فيهم بالاكل؟
وشو اهم شي تعلمتيه من امك و حابة تعلميه لاولادك؟
وطمنينا على امك انشاء الله بالف خير ....

اهلين يا بنات
salam

موضوع حلو كتير يا هبوش
ربنا يعطيكي العافية ويخليكي لينا ويخلي لينا افكارك اللذيذة
يلا يا نور شدي حيلك وربنا يطمنكم علي مامتك يارب

أنا بسألك ؟؟؟؟؟؟؟؟؟؟؟؟؟؟

1) كيف تتصرفي لما يكون فى ضيوف وركوني وكنوني الأثنين بدهم يرضعو ههههههه ؟؟؟؟
بتحصلي لي كتير .....
2) شو بتعملي لما يرفضوا الأكل نهائي ؟؟؟
3) طبعهم كيف بتشابهوا فى الطباع ولا كل واحد عندو صفات معينة ؟؟؟؟
4) هل بتتضايقي لما يعلقوا علي اشكالهم يعني هاد بيشبه ابوه وهاد بيشبه اموه ؟؟؟؟؟
5) مين برأيك ليه الأولوية عندك هم ولا أبوهم ؟؟؟؟؟

يلا بخلي غيري كمان يسأل وربنا يقدرك علي اسئلتهم !!!!!!

هبة الرحمن كتب:

و سؤالي لك ..

اقتباس :

لما بيبلشو ولادك يتخانقو ع لعبة أو أكله أو هوشة.. كيف تتصرفين
و تفكين النزاع ؟

ياستي بفك النزاع بانه باخد واحد يلهيه وبلعبه بشي تاني او بعطيه متل اخوه بسرعة لاني انا بجيب من كل شي 2 لاني بعرفهم غيورين من بعض كتير

سؤالي التاني

اقتباس :

لما بتكوني ب قمة النعس ...

واطفالك برا عم يلعبو ويضوجو شو بتساوي معهم ؟؟

آآآآآآآآآآآآآآآآه ياميسو حطيتي ايدك عالوجع

لسا امبارح صار هالموقف الساعة 3الفحر انا دايب قلبي من النعس والنوم وياوب نمت نص ساعة قام صحي راكان يبكي بكا مو طبيعي و صحّى اخوه

قمت لما شفتهم ال2 صحيو صرت ازغرط تخيلي من كتر ما تجننب

وبعدين ابوهم اخد راكان وانا اخدت سلطان ونيمتهم

ويادوب غمضت عيني الا وجاييني زوجي يقللي قومي اعملي حليب لراكان و قمت عملت له و مارضي يرضع وبس بكي بكي بكي ماني عارفة شو فيه قمت ضميته وصرت اقرا عليه المعوذات و حسيته بدا يهدى شوي قمت رضعته وضميته ونيمته الله يهديهم

اصلا انا والنوم ماعاد نعرف بعض ابدا

هبة الرحمن كتب:: سؤالي الأخير لليوم ..

هل هناك طقوس ما تمارسينها اثناء تنويم اطفالك؟؟

يعني في طريقاتين للتنويم

يا إما ينامو يا بالعربية تبعتهم وبنقعد انا او الشغالات نلف نلف نلف فيهم ونتمشى بالبيت لحد ماينامو

يا اما انا باخدهم واحد واحد على غرفة مافيها الا ضوء خفيف و بيرضعو رضعة حليب وبينامو وانا عم بقرأ لهم المعوذات
بس التاني بخليه مع الشغالة برا او مع ابوه لحد ماينام الاولاني

ام لميس و لمى كتب:

السلام عليكم فكرة حلوة كثير يا بنات ....
نونة ... حابة اسئلك :

اقتباس :: شو اول اكلة بديتي بيها لاولادك ؟

وعليكم السلام و رحمة الله وبركاته
انا لما بدأت اول شي بدأت لهم بموية الرز وبعدين اشتريت لهم سيريلاك رز وبعدين بالخضار بدأت بنوعين جزر وبطاطس وبعدين حطيت لهم بروكلي وقرع وكوسى .............يعني كل اسبوع ازيد لهم نوع خضار وبعدين بالفواكه والعصيرات

اقتباس :: وقديش يستغرق الوقت اللي تقنعي فيهم بالاكل؟

آآآآآآآآآآخ بيستغرف الفين مليون ساعة الله يهديهم
يعني سلطان بيقعد تقريبا ساعة كاملة او اكتر و راكان بيقعد ساعة الا ربع وهادا طبعا واحنا عاملين لهم اراجوزات و مهرجين والعاب وتلفونات وكل شي

حتى بقعد بقلد لهم اصوات الحيوانات مياو و كوكوكوكو و ماااااااااع و هاو هاو هاو

هههههههههههههه يعني بحس انه شخصيتي و كرامتي اتبعزفت

وشو اهم شي تعلمتيه من امك و حابة تعلميه لاولادك؟

تعلمت من ماما انه اكون قريبة منهم واعرف اسرارهم واكسب ثقتهم و مو بس اكون ام يعني اكون لهم صديقة كمان
وباذن الله حاعملها مع اولادي يعني حخليهم يجيبو البنات اللي بيعرفوهم معاهم على شي مكان نتقابل انا وياهم خخخخخخخخخخخخخخخخخخخخخ

وطمنينا على امك انشاء الله بالف خير ....

وان شاء الله ربي يطمنا على ماما باسرع وقت يارب

أم رهف كتب:

اهلين يا بنات
salam

موضوع حلو كتير يا هبوش
ربنا يعطيكي العافية ويخليكي لينا ويخلي لينا افكارك اللذيذة
يلا يا نور شدي حيلك وربنا يطمنكم علي مامتك يارب

أنا بسألك ؟؟؟؟؟؟؟؟؟؟؟؟؟؟

اقتباس :

1) كيف تتصرفي لما يكون فى ضيوف وركوني وكنوني الأثنين بدهم يرضعو ههههههه ؟؟؟؟

عادي برصع واحد انا وواحد من الضيوف او زوجي او الشغالات التاني
او انه بعطي واحد بسكوتة يلتهي فيها والتاني برضعه

بس اذ كان قصدك الرضاعة الطبيعية فللأسف انا وقفتها من لما كانو 5 شهور

والحمدلله بدؤو يمسكو الرضاعات باياديهم ويرضعو لوحدهم بس لازم انا اكون جنبهم او يشوفوني يعني

بتحصلي لي كتير .....

اقتباس :: 2) شو بتعملي لما يرفضوا الأكل نهائي ؟؟؟

اللي بعمله انه يا بجيب كيس شيبس وبعطيهم حبة من هادا ولقمة من الاكل او انه بمسكهم بالغصب و بأكلهم
او احيانا او معظم الاحيان بطنشهم وبخليهم لحد ما يصيرو يبكو من الجوع
عاد بوقتها بياكلو

اقتباس :

3) طبعهم كيف بتشابهوا فى الطباع ولا كل واحد عندو صفات معينة ؟؟؟؟

مختلفين تماما تماما في كل شي
ولا كأنهم اخوان حتى
يعني انا دايما بقول كأني جبت ولدين مختلفين بس في نفس الوقت

اقتباس :

4) هل بتتضايقي لما يعلقوا علي اشكالهم يعني هاد بيشبه ابوه وهاد بيشبه اموه ؟؟؟؟؟

لا ابدا بالعمس والناس اذا علقت بهالشي بصير اقللهم حتى بالمحبة كل واحد بيحب اللي شبهه
وبقللهم حتى الاهل متعلقين باللي شبه العيلة

يعني اهلي بيحبو سلطان اكتر و اهل زوجي بيحبو راكان اكتر
ونفس الشي سلطان وراكان
سلطان متعلق كتير كتير بأهلي و خاصة بابا و راكان متعلق كتير كتير بأهل زوجي وخاصة عماته

اقتباس :

5) مين برأيك ليه الأولوية عندك هم ولا أبوهم ؟؟؟؟؟

بدك الصراحة الصراحة

هم أكيد

و أبوهم لما بحسه بده ياني بجد بجد يقوم بعطي الاولاد للشغالات

بس يعني تقريبا انا اعتبر مقسمة وقتي بينهم تقسيمة حلوة
وعندي الشغالتين بيساعدوني وممكن بأي لحظة اخليهم يتركو اللي بايدهم ويمسكو الاولاد وانا اقعد مع زوجي

يلا بخلي غيري كمان يسأل وربنا يقدرك علي اسئلتهم !!!!!!

خفو علي شوي دخيلكم ههههههههههههههههه

فسفستوني فسفسة

فوفو
احسن شي بتعمليه انك رجعتي للدلع الاساسي

ايوا من زمان اعملي هيك

نونة كتب:: فوفو
احسن شي بتعمليه انك رجعتي للدلع الاساسي

ايوا من زمان اعملي هيك

والله تجننت يا نونة ودخت

شوي بلاقي ميسو شوي هبوشة خخخخخخ

قلت اسمي وبس مافي احلى منوووووو 5tgb

شكراااااااااا ع الاجوبة والله يكون معك ياقلبي

رح افكر ب اسئلة واجي

1- كيف تستطيعين التنسيق بين حياتك الاسرية كأم وزوجة وعضوة بالمنتدى

اضافة الى العناية بنفسك من ناحية الانوثة ومن الناحية الاجتماعية وعلاقتك بالاخرين؟؟
من اين يكون لك الوقت

واذا امكن اعطي نموذج لاحد ايامك؟؟

2- لو أحد من أطفالك مارضي يأكل شو الطريقة للي بترغبيه بالاكل ؟؟؟

3- لو طفل من أطفالك تصرف تصرف سلبي ع طفل من عيلة زوجك أو انتي من عيلتك يعني ادام الكل مثلا راح ضرب ولد تاني
شو بتعملي ؟؟؟

4- الطفل العنيد كيف بتعامليه ؟؟؟

5 - التلفزيون عند اطفالك اديش إله دور بحياتهم ؟؟

يعني اديش بيجلسو يحضروا كرتون يومياً ؟؟؟