أدفن الضيق بالقلب الحنون
والتناهيد في عمري كدر
وأقضي الليل هواجيس وظنون
ضايق البال مجروح النظر
كل ماقلت بهونها وتهون
عانق الدمع عيني وأنتثر
مايعوضني في غيابك من يكون
ياحياتي غيبتك عني قهر
لاتفكر حبك عندي يهون
صعب جدا يجهل الليل القمر
كيف ممكن يفارق الرمش العيون
كيف ممكن يجهل الموج البحر
صعب جدا بعد هاذي العشره أخون
لويكون أحساسي القاسي حجر
لاتصدق مايقولونه جنون
مايفرق بيننا غير القدر